Gibutyag ni Barangay Barra Opol, Misamis Oriental Kagawad Emmanuel Bersabal nga ilang gisusi kung kinsa ang tag-iya sa armas nga gikatahong nakit-an sulod sa bag sa usa ka estudyante sa Barra Elementary School.
Matod ni Bersabal, miingon ang estudyante nga dili iya ang armas ug gisulod lamang kini sa iyang bag.
Gipasabot usab niya nga laing estudyante nga Grade 5 sa maong eskwelahan ang gikatahong nagbilin sa armas. Nahitabo kini sa hapon, sa usa ka balay sulod sa subdivision sa Opol.
Padayon pang gisusi sa mga hingtungdan kung kinsa ang tinuod nga tag-iya sa armas ug kung unsay kalabotan sa giingong panagbangi sa mga estudyante.
