CAGAYAN DE ORO CITY-Gitutukan sa Bureau of Fire Protection o BFP ang anggulo nga dunay nanigarilyo rason miulbo ang dakong sunog sa Corbox Corporation sa Brgy Mohon,Tagoloan,Misamis Oriental.
Kini human nahurot kaugdaw ang cartoon suplay nga naabtan sa kalayo dihang nagsugod ang kalayo sa gawas nga bahin sa maong bodega.
Miingon si FO3 Juniven Echeveria sa Bureau of Fire Protection-Tagoloan Station nga gitan-aw usab nila ang posibilidad nga tungod sa pag-welding ug gipaandar nga makita sa cartoon processing nahitabo ang sunog.
Molungtad sa 15 ngadto 45 ka adlaw ang imbestigasyon aron masayran ang hinungdan sa sunod nga milungtad sa kapi’g 20 ka oras.
Mitala usab sa uno milyon ang damyos ang maong sunog.
