Halos walay hunong ang nagpadayon nga pag-antos sa mga sibilyan batok drone attacks sa mga komonidad sa Sudan.
Unang namhayag ang Finance Minister sa Sudan nga grabe ang epekto sa paghagba sa bili sa ilang panalapi tungod sa daghang atake ug kagubot hinungdan nga mihuyang pagsamot ang ilang merkado ug daghang katawhan ang walay trabaho.
Gawas niini, ang mga sibilyan nag-antos sa taas nga presyo sa mga palaliton ug kakulang sa suplay sa mga panginahanglanon.
Hisayran nga nagsugod ang gubat sa Sudan Abril 2023 nga gikamatay na sa gibana-bana 61,000 ka tawo, tungod sa bangi sa Sudanese Armed Forces (SAF) ug Rapid Support Forces (RSF).
