CAGAYAN DE ORO CITY– Giawhag sa beauty queen-mommy nga si 2021 Ms Inter-Continental Cindy Obeñita ang katawhan nga dili kalimtan ang pagbayad sa buhis ngadto sa gobierno.
Kini sa tuyo nga adunay makolektang buhis ang kagamhanan haom sa gihingusgan sa Bureau of Internal Revenue o BIR nga annual income tax return filing ning bulana.
Siya miingon nga kung unsa kadako ang koleksyon sa BIR nga ubos sa superbisyon sa Department of Finance, madoble usab ang matunol nga batakang serbisyo sulod sa kagamhanan ngadto sa katawhan.
Si Cindy ang nagsilbing promotion officer sa Department of Tourism-Misamis Oriental bisan sa panahon nga kini misalmot sa Bb Pilipinas diin siya ang gipa-represent sa Pilipinas nga iyang nasakmit ang titulo sa Ms Inter-Continental nga gihimo sa Ehipto.
Hisayrang gitapos sa BIR ang annual income tax return filing sa mga magbubuhis sa tibuok nasud kagahapong adlawa.
