CAGAYAN DE ORO CITY- Susihon sa Bureau of Customs o BoC officials ang 5-mil ka tonelada nga basura sa Verde Soko Phillippines Industrial Incorporated sa Sitio Bugwak, Brgy Sta. Cruz Tagoloan,Misamis Oriental.
Miingon si Mindanao International Container Terminal o MICT port collector John Simon nga himoon nila kini tungod sa sulti sa Verde Soko nga nag-abot na ang mga ekipo nga mokuha sa mga basura nga nakalusot gikan sa South Korea.
Malaumon si Simon nga tumanon sa Verde Soko ang ilang saad sa pag atiman sa maong mga basura.
Nasayran nga nabutang sa kontrobersya ang kompanya tungod sa walay permit nga pagpasulod sa kargamento gikan sa South Korea sa tuig 2018.
