Gipamugos ni Lanao del Sur 1st District Rep. Zia Alonto Adiong nga ang boto sa matag senator-judge sa impeachment trial kinahanglan mahimong repleksyon sa ilang prinsipyo ug baruganan.
Sa press conference nga gilusad sa House Prosecution Panel, iyang gipalig-on ang ilang baruganan nga dili angay nga otomatikong itratar nga “no vote” ang mga senador nga wala nakaboto tungod kay basin dili kini makapakita sa ilang tinuod nga desisyon.
Una niini, iyang gi-angkon nga mas importante gihapon nga personal nga motambong ug moboto ang matag miyembro aron mahimong 100 porsiyentong klaro ug kasaligan ang resulta sa ilang desisyon sa senate impeachment court.
