CAGAYAN DE ORO CITY-Posibleng musang-at sa kasong arson ang kompanyang Davao Agricultural Ventures Corporation nga nakabase sa Quezon, Bukidnon batok sa gituohang New Peoples Army nga misunog sa ilang 3 ka heavy equipments.
Matud ni PNP regional spokesperson Supt. Lemuel Gonda nga halos nadungan ang pagsunog sa 3 ka dagkong truck sa duha ka managlahing lokasyon sulod sa plantasyon sa pinya.
Maoy nasunog ang usa ka Boom spray 07 sa Area 803 Alpha pineapple plantation sa Barangay Merangeran ug laing Massi FT trucktor nga dunay BS-09 trailer ang naabo sa Sitio Bayong, Barangay Butong sa maong probinsya.
Gawas sa arson, malampusong naarmasan sa mga terrorista ang gwardiya nga on duty ug nakuha sa iyang posisyon ang iyang shutgun ug cellphone.
Gikawat usab sa kapin kon kulang 80 ka sakop sa NPA ang mga celphon sa duha ka drayber sa traktor.
Gitoohan sa mga otoridad nga extortion o ang pagdumili sa pagbayad sa revolutionary tax ang hinungdan sa pagpanunog.
