Nagkaguliyang ang mga ginikanan sa usa ka tunghaan sa Isulan, Sultan Kudarat human sa gi-alegar nga in-campus shooting ning adlawa.
Nagpanon ang mga ginikanan padulong sa eskuylahan aron kuhaon ang ilang mga anak apan wala pa sila pasudla sa sulod tungod sa istriktong seguridad nga gipahigayon sa mga otoridad.
Sumala sa Police Regional Office, wala pa’y klarong kumpirmasyon kung tinuod ba nga adunay namusil sulod sa tunghaan ug nagpadayon pa ang imbestigasyon.
Ang mga estudyante ug magtutudlo giingon nga gipapahawa sa mga lawak-saringan ug gipahimutang sa luwas nga lugar samtang naghulat sa resulta sa validation.
Ang mga ginikanan nagpabilin sa gawas ug nagpakita sa kabalaka samtang naghulat sa opisyal nga pahibalo gikan sa PNP ug school administration.
Hisayran nga kini nga insidente nakapukaw sa kahadlok ug kabalaka sa komunidad ug gilauman nga makahatag dayon sa klarong update ang mga otoridad aron mahupay ang tensiyon.
