Direktang gi-atake sa tropang Kano ubos sa mando ni US Pres Donald Trump kuyog sa Israeli forces ang nasud sa Iran ning adlawa.
Namahayag si Trump nga gihimo nila ang pag-atake nunot sa nakuha nila nga impormasyon nga e-control sa Iranian forces ang embahada sa Amerika sa maong nasud.
Siya miingon nga pag-atake nila sa Iran ang paagi usab sa paghatag proteksyon sa mga Kano ug mismong sa katawhan niini.
Dugang niini nga sa higayon daw nga malumpag na ang nagpadagan sa Iran,angayang mismo na ang katawhan ang modumala sa pangagamhanan niini.
Sa pagkutlo ning balita,wala pa’y gilugwa nga pahayag ang liderato sa Iran ug bisan sa mga alyado niini batok sa gihimong pag-atake sa magka-alyadong Amerika ingon man Israel.
Wala pa usab impormasyon kung adunay mga tawo nga namatay o samaron sa maong paglusob batok Iran.
Hisayrang sa milabay’ng tuig, nagka-sinukliay sa mga missile ang Iran ug Israel diin nahunong lamang dihang gibombahan sa US elite force ang pipila sa nuclear weapon locations nga gipadagan sa Tehran govt.
