CAGAYAN DE ORO CITY, Philippines – Natumbok na sa Philippine National Police ang insaktong lokasyon ni Wanted Person – Pastor Apollo Quiboloy.
Masaligon si Police Regional Office 11 Director Brigadier General Nicholas Torre nga pipila ka adlaw gikan karon, posibleng madakpan na sa kapulisan ang pastor.
Namugos si Torre nga bisan sa kaidlas ug pagbaraw sa pipila ka miyembro sa KOJC sa ilang kapulisan sulod sa ilang compound, masaligon kini nga mulampos sila sa misyon nga gimando kanila ni Presidente Bongbong Marcos.
Inay si Quiboloy ang episentro sa issue, mikambiyo si Torre sa pagpadayag nga nakadawat na sa death threats ang iyang pamilya tungod sa iyang kalambigitan sa kaso sa pastor.
