CAGAYAN DE ORO CITY – Gibuhian na sa kapolisan ang RTMI bus driver nga unang gikabangga sa motorsiklo nga nag-resulta sa kamatayon sa upat ka tawo sa national highway,Purok 10,Brgy Puntian,Quezon,Bukidnon.
Miingon si Quezon Police Station investigator Police Corporal Eugene Tanate nga tungod kini sa kasabutan tali sa mga pamilya sa namatyan ug kompanya sa bus nga gilayong nagtagbo pipila ka oras gikan sa hitabo.
Una nang nagkasungag ang bus nga gimaneho ni Christopher Sellar ug motorsiklo nga gisakyan ni Jossie Ondoy sa maong lugar.
Tungod sa kakusog sa impact,gilayong patay si Ondoy ingon man ang backriders niini nga sila Florida Macolata, Vecinte Alo ug Junriel Mendoza nga pulos nagpuyo sa Purok 1, Brgy Cebole sa maong lungsod.
Hisayrang mikawat sa dala ang mga biktima hinungdang nasugat kini sa kusog usab nga dagan sa bus.
