Nakab-ot na sa Paramount Skydance ang kasabutan uban sa California ug 11 ka estado nga mi-file sa kaso aron pugngan ang $110 bilyon nga acquisition sa Warner Bros Discovery, sumala sa abiso ni California Attorney General Rob Bonta.
Ang settlement naglakip sa obligasyon nga magpagawas sa labing menos 30 ka pelikula matag tuig sa unang duha ka tuig, ug 32 ka pelikula sa sunod nga tulo ka tuig, kuyog ang $1.5 bilyon nga dugang nga puhunan alang sa domestic film production sa sulod sa lima ka tuig.
Dugtong niini, nasabutan usab ang pagtukod sa independent editorial boards alang sa duha ka international news channel aron maprotektahan ang kaugalignan sa mga tigbalita, ug ang balor sa $47.5 milyon nga pondo para sa mga trabahante nga maapektuhan sa merger.
Bisan pa niini, gipahayag ni Bonta nga ang kasabutan wala magpasabot nga iyang gitugutan ang merger, apan usa kini ka paagi aron maprotektahan ang kompetisyon, consumer choice, ug trabaho sa Hollywood
