Ipadayon ang gikatakdang boxing match ni Mexican boxer Saul “Canelo” Alvarez batok kang Christian M’billi sa Riyadh, Saudi Arabia, bisan pa sa mga pag-atake nga nahitabo sa nasud.
Sumala kang Turki Al-Sheikh, chairman sa General Entertainment Authority sa Saudi Arabia, miuyon si Alvarez nga mopadayon sa away bisan pa sa kasamtangang sitwasyon sa seguridad.
Gikatakdang ipahigayon ang duwa sa Oktubre 31, 2026, sa Riyadh.
Ang maong pahibalo gihimo human sa mga pag-atake nga nagpatunghag kabalaka bahin sa seguridad sa Saudi Arabia.
Apan, wala pay lahi ug opisyal nga kumpirmasyon gikan sa kampo ni Alvarez bahin sa maong desisyon. (jane abulag)
