CAGAYAN DE ORO CITY – Walay pagkumpiyansa ang Kagay-an Heritage Advocate (KHA) sa pasalig sa DPWH 10 nga dili na gub-on apan igo lang ayuhon ang iconic Carmen Bridge ning syudad.
Kini human misaad ang maong opisina nga walay tandugon sa orihinal nga pormal sa maong tulay taliwala nga ‘replacement’ ang aprobado nga pondo nga gihatag sa national govt alang niini.
Miingon si KHA member Arthur Aranas nga tam-is ang mga pulong sa saad apan walay kasiguruhan nga sundon kini sa DPWH.
Gihimo ni Aranas ang pahayag kay nagkatagbo sila Cagayan de Oro 1st District Cong. Lordan Suan,Cagayan de Oro 2nd District Cong.Rufus Rodriguez ingon man DPWH alang sa pinal nga plano sa maong tulay.
Hisayrang dakong uyon si Suan nga ilisda’g bag-o ang tulay apan nagbahad usab si Rufus nga iyang kasuhan ang mangahas pagguba niini.
