Gihagit ni Palace Press Officer Undersectary Claire Castro si Vice President Sara Duterte nga motubag ug magpagawas og ebidensya sa tanan mga alegasyon nga gibato batok kaniya.
Matud ni Castro, kung adunay igong ebidensya ang Bise Presidente, gikinahanglang ipagawas na kini niya.
Gikuwestiyon usab ni Castro nganong sa ubang tawo pa gikinahanglan mahibal-an sa katawhan ang kamatuoran bahin sa alegasyon sa confidential funds ug mga pondong nadawat niini.
Miingon usab si Castro nga nagpabilin lamang nga hilom ug walay mapakita nga mga ebidensya ang Bise Presidente aron matubag ang mga pasangil batok kaniya. (raniel mahunyag)
