Gipaagi nalang sa komedya ni Senador Alan Peter Cayetano ang pagsugat kang DPWH Secretary Vince Dizon.
Sa hearing sa Senate Committee on Finance Subcommittee A, mikomedya si SenadorCayetano kang Dizon nga “akala ko, i-impeach ka na ni Sen. Imee,” human sa serye sa pangutana ni Senadora bahin sa budget sa ahensiya para sa 2027.
Giusisa ni Marcos ang mga flood control projects ug ang nagpadayon nga imbestigasyon sa DPWH batok sa mga anomalya, ghost projects, ug substandard nga mga proyekto.
Sa laing bahin, gipangutana usab ni Cayetano si Dizon kung adunay ghost project sa Taguig City, apan giingon sa kalihim nga base sa record sa DPWH, wala siya’y nahibal-an nga ingon niini.
Gipasabot ni Dizon nga nagpadayon ang imbestigasyon sa ahensiya aron masuta kung adunay maanomalyang flood control ug uban pang public infrastructure projects sa syudad.
Gipanghambog usab ni Cayetano nga ang Taguig City bukas sa bisan kinsa nga gustong mosusi sa mga proyekto, mapa-DPWH, media, o laing investigating panel.
