Miresbak si Senate Minority Leader Alan Peter Cayetano kang Public Works Secretary Vince Dizon gumikan sa pag-usab sa iyang pamahayag mahitungod sa mga giingong ghost projects sa Lungsod sa Taguig.
Matud ni Cayetano, gipadayag na niadto sa kalihim nga walay nakitang anomaliya o ghost projects sa ilang dakbayan, busa gikakurat nila nga gibag-o sa kalihim ang iyang pahayag sukad nga nagpagawas sa pahayag si Senador Panfilo Lacson kalabot niini.
Gihagit sa senador si Dizon nga unta barugan ang kamatuoran ug dili magpadala sa presyor aron mahatagan sa hustisya ang patas nga imbestigasyon.
Giklaro usab ni Cayetano nga angay usab susihon ang mga proyekto sa uban pang mga lugar ug dili lang ang iyang balwarte ang tutukan sa mga ahensya.
