CAGAYAN DE ORO CITY-Ipa-isplikar sa relihiyosong pundok ilabina ang duha ka kongresista sa syudad sa ilang baruganan sa pag-uyon sa subli pagpatuman sa silot-kamatayon dinhi sa nasud.
Si Xavier University social action coordinator Nestor Banuag miingon nga partikular nila giimbitar sila si Cagayan de Oro 1st Rep Rolando Klarex Uy ug Cagayan de Oro 2nd District Rep Maxi Rodriguez Jr.
Si Uy ug Rodriguez ang kabahin sa 13 ka kongresista nga gikan sa rehiyon nga uyon sa death penalty bill sa kongreso.
Samtang tingog sa katawhan ang gibasihan ni Cagayan de Oro 1st Rep Rolando ‘ Klarex’ Uy pag-uyon sa silot-bitay nga balaodnon sa kongreso.
Kini ang depensa ni Uy tungod sa batikos nga ilang nadawat gikan sa mga grupo nga supak sa death penalty.
Si Uy miingon nga angay tahuron sa anti-death penalty groups ang pulso usab sa katawhan nga gikan sa unang distrito sa syudad.
