CAGAYAN DE ORO CITY – Naka-higtened alert na ang incident management team o IMT alang sa paghatag seguridad sa katawhan nga modalikyat sa dul-an 20 ka menteryo nga nakabase sa nagkadaiyang bahin sa dakbayan.
Kini human ipa-aktibo na ni City Mayor Rolando ‘Klarex’ Uy ang IMT nga gipanguluhan ni CDRRMD manager Nick Jabagat kinuyugan sa ubang mga buhatan sa city hall ug koordinasyon sa ubang nasudnong nga opisina nakabase sa syudad.
Miingon si Janboy Actub,tigpamaba ni City Mayor Rolando ‘Klarex’ Uy nga mosugod ang pagpakatag sa puwersa Oktobre 31 ug molungtad sa petsa 2 sa Nobyembre.
Partikular nga hataga’g hugot nga pagbantay ang city memorial park nga nahimutang sa Sitio Bolonseri,Brgy Camaman-an diin makita ang daghang nangalubong nga mga residente sa dakbayan.
Subli gipasabot ni Actub nga walay tugtan nga mag-overnight mga mangduaway kay gikan alas 6 sa buntag hangtod las 10 lang sa gabii ang gimando sa dakbayan.(Photos:CIO/MisOr Radyo).
