CAGAYAN DE ORO CITY – Gipalihok na ni City Mayor Oscar Moreno ang legal department aron tutukan ang pag-abusar sa pipila ka sakop sa BJMP-19 ngadto sa health frontliners nga igo lamang naghimo sa ilang trabaho sa syudad.
Kini human mibati’g kahadlok ang mga biktima tungod sa taras nga gipakita sa pipila ka BJMP personnel nga igo ra unta gikuhaan sa swab sampling ayha makasulod sa sentro sa dakbayan.
Gibutyag ni Moreno nga kasuhan nila sa kriminal ug administratibo kay dayag nga pag-abusar sa katungdanan ang gihimo sa mga suspek.
Samtang gipasalig sa BJMP-10 nga manubag ang ilang mga personahe nga kabahin sa naniu’g armas sa health frontliners nga mikuha kanila’g swab sampling sa holding area sa syudad.
Kini human unang gikasuko ni City Mayor Oscar Moreno ang gihimo sa pipila ka BJMP personnel nga nagpakita sa ilang pagka-kapayason samtang naningkamot ang syudad mapugngan ang dugang local transmission sa coronavirus disease.
Gibutyag ni BJMP-10 spokesperson Jail Insp Danilo Delgado nga hulaton nila ang resulta sa imbestigasyon aron basehan sa pagsilot batok sa mga nakasala nila nga personahe.
