CAGAYAN DE ORO CITY – Gitin-aw ni City Mayor Oscar Moreno nga business as usual ang city hall.
Kini bisan nga atua siya sa New York,USA sa gitambungan nga tapok sa Kagay-anons nga nanimuyo ug nanarbaho sa maong lugar.
Miingon si Moreno nga adunay mga opisyal nga gibinlan sa mga tahas aron dili madilatar ang serbisyo nga itunol sa katawhan sa syudad.
Samtang gipasabot usab sa mayor nga walay problema ang deklarasyon sa Martial Law sa Mindanao gumikan kay usa lamang ka paagi ang maong deklarasyon aron dili ahatagan sa kahigayonan ang mga dautang elemento nga mohimog kagubot sa tibuok pulo.
Dugtong pa sa maong opisyal nga ang Martial Law karon dili susama kaniadto nga may mga dagkong gamit pang gyera nga makita sa kadalanan.
