CAGAYAN DE ORO CITY – Nadugangan sa 27 ka bag-ong kaso sa COVID-19 ang Cagayan de Oro.
Kini human mitala na sa 808 ka kaso sa bayrus diin 34 kanila ang nangamatay na ning syudad.
Sumala ni City Health Officer Dra Lorraine Nery nga sa maong ihap usa ang locally stranded individual ug ang halos tanan local transmission o nagtinakdanay nga miembro sa pamilya ug kauban sa trabaho.
Apan sa sobra 800 ka kaso,323 na lamang ang aktibong kaso human maulian ang 451 ka pasyente.
Dugtong niini, mi-angkon si City Epidemiologist Dr Joselito Retuya nga misamot ug saka ang kaso sa LOCAL CASE TRANSMISSION itandi sa kaso sa ROFs ug LSI, busa igong pag-amping sa kaugalingon ang gihangyo sa CHO sa katawhan ning syudad.
Dugong niini,nagdumili si City Mayor Oscar Moreno sa pagpasaka sa quarantine status batok COVID-19 bisan sa pagsaka na sa kapin 800 ang kaso sa syudad.
Kini human mismo ang mayor ang nasayod kon unsa ka paspas ang local transmission sa batok sa maong sakit.
Miingon si Moreno nga mas dako’g epekto sa katibuk-an ilabina sa mga kabus kon hingpit sila did-an makagawas aron makapanginabuhi tungod lamang sa ipatuman nga total lockdown.
