Gimanduan ni United States President Donald Trump si Russian President Vladimir Putin nga dili atakehon ang Kiev City sa Ukraine sulod sa usa ka semana nga pag-abante sa peace initiatives sa Amerika tali sa gobyerno ni Ukraine’s President Volodymyrr Zelenskyy.
Sa gilusad nga Cabinet Meeting sa White House, kaganinang kadlawon, oras sa Pilipinas, gi-anunsyo ni Trump nga wala nasayang ang iyang tawag sa telepono kang Putin nga mi-uyon kini sa iyang petisyon.
Gipanigurado ni Trump nga walay binayluay sa bomba o missile attack nga mahitabo sunod semana sa panagtagbo sa duha ka partido kundiin ang Estadus Unidos maoy musaksi ug mupataliwala sa ilang uyunang kondisyon alang sa pagpahapsay sa duha ka nasud.
Mahinumduman nga sa Pebrero 22, dumdumon sa mga Ukrainians ang ika-upat ka tuig nga pag-atake sa Russia nga nagresulta na sa kapin 2-Milyon ka kinabuhi ang nakalas ug lakip niini ang pagkamatay sa kapin 200,000 mga sundalo sa duha ka nasud.
