CAGAYAN DE ORO CITY – Gipatubag ni City Mayor Klarex Uy ang pipila ka mga empleyado sa show cause order gumikan sa ilang paglikay nga mapaubos sa sorpresa nga drug test ubos sa city govt ning syudad.
Kini human nanganti ang mayor nga dugang mga trabahante pa ang ipaubos sa mandatory illegal drug test sa pagsiguro nga limpyo batok sa paggamit sa droga ilabina sa shabu ang city hall ubos sa termino.
Siya miingon nga natibawas na ang mga empleyado sa city hospital,city mayor’s office ug city council nga gihimuan sa PDEA 10 sa maong kalihukan.
Nanganti kini nga manubag ug hayan matangtang ang mga empleyado nga makit-ang nakahimo sa maong salaod ilabina kadtong nakasupak sa mga lagda sa Civil Service Commission.
