Aksyonan sa Komite on Public Order and Safety ang gikatahong pag‑abuso sa solvent sa mga menor de edad sa Cagayan de Oro City pinaagi sa usa ka public hearing.
Kini pagadumalahan uban sa Committees on Barangay Affairs ug Social Services human sa special report ni Councilor Roger Abaday niadtong Lunes.
Matod ni Abaday, kinahanglan palig‑onon ang pagpatuman sa Presidential Decree 1619 nga nagadili sa paggamit ug walay otorisadong pagbaligya sa volatile substances alang sa kahubog.
Gisugyot usab niya nga higpitan ang pagbaligya sa solvent pinaagi sa pag‑verify sa edad ug tuyo sa mamalitay.Gidasig usab ang mga barangay nga manguna sa pagresponde sa mga kaso nga naglambigit sa kabataan.
Hisayrang ipresentar usab sa hearing ang datos kabahin sa nagkadaghang kaso sa solvent abuse sa siyudad.
