Gipasiugda sa House Prosecution Panel, pinaagi kang Representative Renee Co, ang panginahanglan og igong panahon aron masusi ang mga bank records nga gisumite kalabot sa mga account ni Vice President Sara Duterte ug sa iyang bana.
Matud ni Co, importante ang maong mga rekord aron masusi sa prosekusyon ang gigikanan sa mga bahandi nga giingong wala pa mapatin-aw sa kampo sa bise presidente.
Gisumite ang maong bank records diin gilatid usab sa panel ang ilang manifesto bahin sa paghatag og igong panahon sa pagrepaso niini.
Bisan pa sa paningkamot sa Impeachment Court nga mapaspasan ang dagan sa husay, giingon sa prosekusyon nga kinahanglan gihapon nga masusi pag-ayo ang mga dokumento ug ebidensya.
Magpadayon ang pagdungog sa impeachment trial karong Lunes, uban sa sunod nga mga saksi ug presentasyon sa ebidensya sa prosekusyon. (jane abulag)
