CAGAYAN DE ORO CITY – Nagdala sa dakong tanghaga ang gipakatag nga resolusyon sa Local Water Utitilies Administration o LWUA nga kuptan nila full takeover sa operasyon sa Cagayan de Oro Water District o COWD sa syudad.
Kini human unang nasampit sa presidential visit ni Pres Bongbong Marcos sa syudad nga wala matago kaniya ang suliran tali sa COWD ug Metro Pacific Water rason gimando niini sa LWUA nga tun-an ang pagsulbad sa isyu.
Namahayag si Kag. James Judith nga walay kuwestiyon ang tinguha ni Marcos apan kadaduhan ang LWUA resolution nga nag-ingon nga sila na ang modumala sa COWD sa unom ka bulan..
Namugos si Judith nga isip ordinaryong abogado,dili kini kumbinsido nga anaa sa ensaktong posisyon ang LWUA nga dumalahon ang COWD nga kulang sa basehan.
Samtang gisugyot sa pipila ka sakop sa konseho sa city govt nga magbaton sa kaugalingong ‘water rights’ ang katawhan sa dakbayan.
Nahimugso ang ideya ni Judith nunot sa kontrobersyal nga contract conflict tali COWD ug COBI diin naglalis sila sa bayrunon sa tubig nga pinalit ra usab sa Rio Verde Water Consortium.
Namahayag si Judith nga tinguha niini nga unta paningkamutan sa dakbayan nga mahisama sa Davao City nga sila nagkubot sa water rights aron dili na madiktahan sa private water providers ang presyo sa tubig ngadto sa mga konsumante.
Hisayrang Rio Verde lang ang nagkupot sa water rights dinhi sa syudad.
