CAGAYAN DE ORO CITY – Mohimo sa kaugalingong aksyon si Sen Koko Pimenel sa isyu sa panubig sa syudad.
Kini human nakurat ang senador nga wala pa diay gihapon masulbad bisan sa pag-intervene ni Pres Bongbong Marcos ang maong suliran.
Miingon si Pimentel nga tipik sa iyang giplano ang paglusad sa imbestigasyon sa senado kabahin sa maong isyu.
Dugang sa Cagay-anong senador nga daghan ang mahimo sa hingtungdang mga partido kon gustuhon lang nila masulbad ang maong suliran.
Dumduman usab nga namahayag sa interbyu sa Bombo Radyo si kanhi City Mayor Oscar Moreno nga labing maayo kon magtinabangay ang mga kongresista sa syudad ug lalawigan ingon man sila Senators Juan Miguel Zubiri ug Pimentel aron makabangon sa obligasyong pinansyal ang COWD.
Una nang wala magsinabot ang duha ka partido tungod sa isyu sa utang nga dili bayran sa Cagayan de Oro Water District o COWD ngadto sa Cagayan de Oro Bulk Incorporated o COBI.
Una nang gisugo ni Marcos ang Local Water Utitilies Administration o LWUA nga ipasulbad ang kahimtang sa COWD rason dunay naglugwang impormasyon nga ilang temporaryong idumala sulod sa unom ka bulan.
