CAGAYAN DE ORO CITY – Bakak ang impormasyon nga nakaabot sa interim officials nga diriyot nang mangadugta ang balor 200 milyones pesos nga Development Bank of the Philippinesd o DBP loan funding nga giutang sa Cagayan de Oro Water District o COWD sa pagtubag sa non-revenue water issue sa syudad tuig 2017.
Kini ang tubag ni COWD asst general manager ug tigpamaba nga si Engr Edna Najael batok sa pasangil ni interim General Manager Fermin Jarales nga napasagdan ang maong kagamitan alang sa pagsulbad sa mga usik nga tubig sa dakbayan.
Miingon si Najael nga dugay ra nagamit ang DBP loan funded nga mga ekipo ug ang nakit-an sulod sa ilang COWD-Kauswagan warehouse,bag-ong stocks na alang sa maong katuyuan.
Namugos si Najael nga 18 porsiento na lang sa non-revenue water projects nga gigamitan sa mga ekipo ang tiwasunon sukad gisugdan tuig 2017.
Una niini,gibutyag ni Jarales nga gi-respondehan niya ang impormasyon nga dunay mga ekipo nga igo lang natanggong sa bodega sanglit nagka-problema sa 49 porsiento nga NRWs ang COWD rason iya kining pa-imbestigaran.
