CAGAYAN DE ORO CITY – Gikontra ni Citizens Watch for Good Governance o CWGG 10 convenor Atty Antonio Soriano nga paglipat ang gihimo sa Malakanyang sa katawhan batok sa nagkadaiyang dakong isyu nga giatubang ni Pres Bongbong Marcos.
Kini human nagtoo ang kadaghanan sa mga suporter ni Duterte nga maniobra sa Marcos administration aron malimtan sa publiko ang daghang isyu sa kurapsyon nga naglakip sa General Appropriations Act 2025.
Miingon si Soriano nga lehitimo nga isyu ang gihataga’g pagtagad sa ICC rason nga angay usab nga mahatagan sa patas nga pagdungog ang panig ni kanhi Pres Rodrigo Duterte.
Siya miingon nga unta maoy angay paspasan usab sa pagpangita’g sulbad sa gobierno ang daghang suliran sa nasud nga napun-an sa grabeng away sa politika sa mga Duterte ug Marcoses.
