Gipadayag ni Presidential Communications Office Undersecretary Clarissa “Claire” Castro nga hugot nga susihon sa Department of Budget and Management o DBM ang mga proyekto ug badyet aron masiguro nga magamit ang pondo sa hustong katuyoan.
Matod niya, ubos sa direktiba ni Presidente Ferdinand Marcos Jr., dili basta-basta ipagawas ang pondo sa mga proyekto kon dili kompleto ug husto ang gikinahanglang mga dokumento.
Lakip sa mga kinahanglanon ang feasibility study nga magpamatuod sa panginahanglan ug pagpatuman sa proyekto.
Gipatin-aw usab ni Castro nga tungod sa hugot nga pagsusi sa badyet, nalimitahan ang pipila ka proyekto sa imprastraktura.
Giangkon niya nga nakaapekto usab kini sa ekonomiya tungod kay gikinahanglan ang paggasto sa gobyerno aron mapalihok ang kalihokan sa ekonomiya. (jane abulag)
