CAGAYAN DE ORO CITY – Wala tuhu-i apan gimando ni Police Regional Office 10 Director Brig Gen Jaysen De Guzman nga ipaubos sa patas nga imbestigasyon ang pasangil nga naguba ang pultahan sa Cagayan de Oro Water District o COWD tungod sa komosyon sa miaging semana.
Kini human giakusar sa kampo ni regular COWD board of director chairman Gerry Caño nga grupo ni interim General Manager Fermin Jarales ang pugsanong miguba sa pultahan aron sak-on ang opisina ug pangkuhaon ang mga importanteng mga dokumento.
Namahayag si De Guzman nga mas maayu nga matibawas una ang imbestigasyon aron masuta kung kinsa ang angay pangkasuhan.
Una niini,nagbahad si Caño nga kasuhan nila si COCPO City Director Col. Salvador Radam ug Cogon Police Station 2 commander Major Sabino Labitad kay wala pangdakpa sila si Jarales.
