Magpatawag si Presidente Ferdinand Marcos Jr. sa Special Session sa duha ka Kapulungan sa Kongreso karong Hunyo 17 aron hisgutan ang pipila ka nahibiling priority measures sa administrasyon ug aksyunan ang mga appointment sa gabinete, militar ug foreign service.
Ubos sa Proclamation No. 1318 nga gipirmahan karong adlawa, gimandoan sa presidente ang Kongreso nga dali nga pagahisgutan ang siyam ka sugyot balaod nga naa na sa advanced stage sa legislative process.
Apil niini ang:
- AICS Act
- Anti-Political Dynasty Law
- Presidential Merit Scholarship Program
- Last Mile Schools Act
- National Center for Geriatric Health
- ug uban pang mga panukala nga may kalabotan sa edukasyon, nutrisyon ug social protection.
Kini nga special session nagtimaan sa paningkamot sa administrasyon nga mapaspasan ang pag-apruba sa mga balaod nga gituohang makahatag ug direkta nga benepisyo sa katawhan.
