Multahan ug mag-atubang sa disqualification case ang mga kandidato nga napakyas sa pagsumiter sa ilang Statement of Contributions and Expenditures (SOCE).
Miingon si Comelec Political Finance and Affairs Department Information Officer – 5 Leo Lim nga daghang nga kandidato ang mi-apas sa deadline nga gitakda sa COMELEC.
Subay sa pinakabag-ong datos sa Comelec, libuan pa ka kandidato gikan sa local ug national positions ang wala makapasa sa ilang SOCE.
Ang deadline sa pagsumiter niadto pang Hunyo 11, 2025, ug wala nay extension alang sa mga kandidato nga wala makasubmit sa takdang oras.
Gitin-aw ni Lim nga dili excempted sa pagpasa sa SOCE ang mga napildi nga kandidato.
Ang mga nagdumili sa pagsumiter mahimong mag-atubang sa administratibong kaso, nga naglakip sa multa nga mubalor sa P1,000 hangtod P30,000 alang sa unang paglapas.
Posible pa kining musaka kung gihimo sa makadaghang higayon, kuyog ang perpetual disqualification .
