Nalumpag sa Defense Team ang argumento sa Prosecution Panel ngaamugos nga adunay personal nga kahibalo si Davao City Mayor Sebastian “Baste” Duterte sa negosyo ug pinansyal nga kalihokan sa iyang igsoon nga si Vice President Sara Duterte.
Subay sa Article II, gipamugos ang prosekusyon nga adunay dili masabtan nga pagtubo sa panalapi sa magtiayong Sara ug Atty. Mans Carpio, hinungdan nga gipatawag si Mayor Baste nga maoy mihulip kaniya sa pagka-alkalde sa Davao human sa Mayo 2022 nga eleksyon.
Klaro nga napamatud-an ni Defense Lawyer Justin Gular nga walay kalabutan ang mayor sa pinansyal nga aspeto sa iyang igsoon.
Gitataw usab sa mayor nga dili obligasyon ni VP Sara nga ipahibalo sa iyang igsoon ang mga isyu-pinansyal tali sa iyang kapikas nga si Atty. Carpio.
Hisayran nga ang kantin-awan nga gihatag ni Duterte sa korte, nagpalig-on sa depensa nga walay basihanan ang pasangil sa prosekusyon.
