Gipasabot ni Atty. Michael Wesley Poa, defense lawyer ni Vice President Sara Duterte nga apil ang ilang legal team sa oral arguments aron ipresentar sa impeachment court ug sa publiko ang ilang posisyon bahin sa voting threshold.
Matud ni Poa, usa sa ilang gikonsiderar ang pagdala sa maong isyu ngadto sa Supreme Court, apan hisgutan pa nila kini uban sa bise presidente.
Gipaabot sa defense ang transcripts of stenographic notes o TSNs, journals ug certified true copies sa mga rekord sa impeachment proceedings nga gisaad sa presiding officer nga maandam alas-10 sa buntag sa mosunod nga adlaw.
Sumala kang Poa, importante ang maong mga dokumento sa ilang pagtan-aw sa mga sunod nga legal nga lakang.
Sa pagkakaron, wala pa magdesisyon ang depensa kung mopasaka dayon sila og apela sa Korte Suprema o maghulat pa sa usa ka semana samtang nagkonsulta sa ilang kliyente. (jane abulag)
