Gidepensa sa Department of the Interior and Local Government (DILG) ang gobyerno kuyog ang mga law enforcement agencies human subli adunay pagpangluthang-patay sulod sa campus sa South Cotabato, kagahapon.
Sa press conference nga gilusad sa DILG miingon ang ilang kalihim nga si Jonvic Remulla nga walay sala ang Kongreso, PNP, ug LGU sa insidente, ug iyang gipunting nga ang responsable mao ang batan-ong lalaki nga naimpluwensyahan sa “deep dark web.”
Si Remulla namugos nga ang gikinahanglan ning panahuna mao ang pagtinabangay ug dili ang pagbinasulay.
Lakip sa gipahimug-atan sa kalihim ang posibleng mental depression nga nasinatian sa mga batan-on nga wala nila damha nga nagbaton na sila niini.
Kini ang rason nga dili na husto ang ilang mga desisyon dala sa hugaw nga dagan sa pangutukan nga posibleng nakontaminar sa dautang impluwensya sa dark web
