Gipahugtan pa sa Department of Interior and Local Government ang ilang pagpangita ug pagpanubay sa lokasyon ni kanhi Duterte Administration-Presidential Spokesperson Atty Harry Roque.
Miingon si DILG Secretary Jonvic Remulla nga nagpadayo’g abante ang ilang search teams sa pagsuhid kaniya ug mi-ingon kini’g “anaa siya sa purgatory sa asylum” samtang naghulat sa resulta sa iyang aplikasyon.
Subli, gitin-aw ni Remulla nga lig-on ang ilang koordinasyon sa Interpol alang sa ilang gi-apelar nga red notice kontra kang Roque.
Una niini, gipahimangnoan pa niya ang kanhi opisyal sa gobyerno sa Pilipinas nga kung tinuod nga siya inosente kinahanglan nga motubag ug motubang siya sa reklamot batok kaniya.
