Sa labing unang higayon, nagsumpaki ang baruganan nila Mamamayang Liberal Party-list Representative Leila de Lima ug Akbayan Partylist Representative Chel Diokno sa isyu sa pagbukas sa BIR BOX sa ika-upat nga hugna sa clarificatory hearing sa House Commmitee on Justice sa 2 impeachment complaints ni Vice President Sara Duterte.
Miingon si Diokno nga bisan political allies silang duruha ni de Lima, supakon niya ang iyang baruganan.
Hugot nga gibarugan ni Diokno nga ang SENADO ang may katungod sa pagsusi sa box nga sila man ang lawas sa matukod nga impeachment court oras nga ma-impeach si VP Sara sa kongreso. Hisayran nga unod sa kahon ang gipag-usa nga tax records nila Atty. Manases Carpio ug VP Duterte.
Gani, mikomedya pa ni Justice panel chair Gerville Luistro nga “split decision” ang hukom ni Rep. Diokno.
