Bubuan sa igong ihap sa kapulisan, ug force multipliers gikan sa syudad ug barangay ang Divine Mercy Shrine sa El Salvador City, Misamis Oriental, alayon sa nagkadool nga semana santa.
Sa interbyu sa Bombo Radyo, namahayag si Debbie Gatab, Public Information Officer sa Shrine nga seguridad ug luwas nga pagpanaad ang unang obligasyon sa lokal nga kagamhanan alang sa libuang deboto nga mudagsa sa shrine.
Ilado ang El Salvador Shrine isip nag-unang lugar nga padulngan sa mga tawong gapanaad sa adlaw sa Huwebes ug Biyernes Santo.
Sa miaging tuig, kapin kun kulang 60,000 ka deboto ang mibisita sa shrine gikan Huwebes, hangtud sa adlaw sa Pagkabanhaw o Easter Sunday Mass.
