Tungod kay wala nay eleksyon sa Nobyembre mag-resume na ang tanan ayuda program sa gobyerno ubos sa Department of Social Welfare and Development (DSWD) sama sa 4PS, AICS, TUPAD ug uban pa.
Miingon si Department of Labor and Employment – Region X, Cagayan de Oro Field Office Officer in Charge Atty Amor Condeo Bajarla nga magpadayon ang program sa gobyerno nga mutabang sa mga kabus, ilabe na sa mga 4Ps members.
Una niini, gidepensa ni Bajarla ang mga miyembro sa 4Ps tungod sa mga pagsaway nga ilang nadawat sama sa binahugan sa gobyerno o gasalig lang sa ayuda.
Miingon si Bajarla nga usa sila sa importante nga kontribyutor sa ekonomiya sama sa mga napa-ubos sa TUPAD. Bisan pa man dili dayon makita ang ilang papel, dako ang ilang tabang sa kinatibuk-ang dagan sa ekonomiya.
