CAGAYAN DE ORO CITY-Gisunog sa Task Force Firecrackers 2018 ang 54 ka kahon sa illegal nga pabuto nga unang nabawi gikan sa vendors sa Rodelsa Circle, Brgy Macasandig ning syudad.
Gibutyag ni City DILG director Engr Jane Docallos nga moabot sa P600-mil ang kantidad sa mga assorted firecrackers ang ilang gihurot pagsunog diha sa Brgy Gusa ning syudad kagahapon sa hapon.
Gikompiskar sa Task Force Firecrackers 2018 ang mga paboto tungod kay walay ICC sticker sa bisperas sa bag-ong tuig.
Samtang gipahamtangan na’g silot sa DILG ang mga negosyante nga nabawi-a’g dul-ag 60 ka kahon sa ilegal nga pabuto sa naglabay nga pagtamod sa kapaksuhan ug pagsugat bag-ong tuig ning syudad.
Gikompirmar ni Docallos nga ilang ibutang sa blacklist ang mga negosyante nga nabawian sa 54 ka kahon sa illegal nga pabuto ning syudad.
Siya miingon nga ilang i-rekomendar kang City Mayor Oscar Moreno ang mga negosyante nga did-an nga makapamaligya sa mga pabuto sulod sa tulo katuig.
Una nang nagbahad ang Task Force nga dili magbaligya sa mga illegal nga pabuto aron dili masilotan.
