CAGAYAN DE ORO CITY – Mag-atubang sa kasong pagsupak sa Comprehensive Dangerous Drugs Act of 2002 ang dinakpan sa pagpayuhot sa illegal nga droga sa Brgy Lapasan ning syudad.
Kini human panguluhi sa PDEA-Camiguin ang operasyon kuyog ang Agora Police Station aron masikop si alyas Fausto,45 anyos nga nagpuyo sa maong brgy.
Namahayag si PDEA 10 regional director Atty Benjanmin Gaspi nga nabawian sa balor 47-mil 600 nga gitoohang shabu ang suspek atol sa operasyon.Kini ang rason nga siya kasuhan sa pagsupak sa Republic Act 9165 gumikan sa kalapasan sa balaod.
Igo na lang sa pagpakahilom ang dinakpan dihang kini nasignit sa mga otoridad kagahapong adlawa.
