Gikompirmar ni Pinay Tennis Sensation Alex Eala nga mudula kini sa WTA 125 Philippine Women’s Open.
Gihimo ni Eala ang kompirmasyon sa iyang pagbalik sa Pilipinas, kagabie, human natak-upan ang iyang ambisyon nga maka-aginod sa sunod nga round sa 2026 Australian Open.
Namahayag ang 20 anyos nga atleta nga adunay mahitabong dakung kalihukan sa tennis sa nasud sunod semana.
Una niini, nahatagan na siya’g wildcard entry sa mga organizers sa Philippine Women’s Open ug masiguro na ang iyang partisipasyon sa torneo.
Sugdan ang maong torneo sa Enero 26 hangtod 31 sa Rizal Memorial Stadium.
