Apektado na sa Easterlies ang tibook Pilipinas. Gumikan niini, taas ang tsansa sa pagbaha ug pagdahili sa yuta kung adunay mahitabong severe thunderstorms sa usa ka lugar. Ang Metro Manila ug National Capital Region (NCR) halos walay tsansa sa pag-ulan. Kasarangan padulong sa kusog ang huyop sa hangin ilabe na pagkahapon ug gabie nga muabot sa 22km matag oras. Ang heat index anaa sa 34 °C sugod alas 11 hangtud alas 4 sa hapon.
Ang Central Visayas makatagamtam sa panagsangang pagdag-um ilabe na sa alas 11 sa buntag apan pag-abot sa hapon nipis ra ang tsansa sa pag-ulan ug anaa lamang sa 17%. Ang heat index musukod sa 34°C. Ang Eastern Visayas halos walay tsans sa ulan ug makasinati sa grabeng kainiton sugod alas 1 sa hapon hangtud alas 3 tungod sa heat index nga muabot sa 33°C. Ang Western Visayas adunay 10% nga tsansa sa ulan o pagpanaligsik, apan pagka-ala-1 sa hapon maigon sa tumang kaigang kay ang heat index muabot sa 35°C.
Ang Cagayan de Oro ug ubang bahin sa Misamis Oriental makasinati sa fine weather sa buntag ug panalagsang pagdag-um sa hapon ug gabie. Ang huyop sa hangin musukod sa 10km matag oras ug ang heat index magsugod sa 32-33°C sa alas 11 hangtud alas 4 sa hapon. Ning adlawa ang probinsya sa Bukidnon maigo sa 34°C nga heat index ug kasarangan padulong sa kusog nga huyop sa hangin nga muabot sa 30km matag oras ilabe na sa bandang alas 2 sa hapon.
