Gikakurat sa Constitutional Law Expert ug Supreme Court Petitioner nga si Atty. Ernesto Francisco Jr. ang desisyon sa Supreme Court nga nagbasura ang iyang petisyon batok sa ruling sa Senate Impeachment Court.
Ang petisyon nagtutok sa pagkontra sa pag-ubos sa 2/3 vote threshold nga gigamit sa impeachment trial ni Bise Presidente Sara Duterte.
Gipangatarungan ni Francisco nga ang Konstitusyon klaro nga nagkinahanglan sa labing menos 16 ka boto alang sa conviction tungod kay 24 man ang miyembro sa Senado.
Apan, gi-dismiss kini sa Korte Suprema ug gipamugos sa koret nga ang iyang petisyon kakulang sa legal standing ug anaa pa lamang sa premature nga filing.
Hisayran nga si Francisco nailhan nga constitutional lawyer nga kaniadto usab nagdala sa landmark case nga Francisco vs. House of Representatives nga naglatid sa proseso sa impeachment.
Sa pagkakaron posibleng mugamit sa laing remedyo ang eksperto pinaagi sa pagsang-at sa motion for reconsideration aron ipadayag ang iyang baruganan batok sa giingong “pag-usab” sa konstitusyonal nga mandato.
