Gipirmahan ni U.S. President Donald Trump ang usa ka executive order atol sa iyang campaign rally sa Nebraska nga temporaryong nagtugot sa mas lapad nga paggamit sa red-dyed diesel sa mga pampublikong kadalanan ug nagpalangan sa pipila ka obligasyon sa federal excise tax alang sa maong diesel hangtud Disyembre 31.
Ang maong lakang nagtumong sa paghatag og temporaryong kahupayan sa mga mag-uuma, trucker ug ubang konsumedor taliwala sa misaka nga presyo sa diesel tungod sa ubos nga global supply.
Gitugotan usab sa order ang paglangan sa pipila ka bayranan sa buhis nga may kalabutan sa diesel nga walay silot ug interes, sumala sa gitugotan sa balaod.
Gihimo ang maong lakang samtang nagkaduol ang Nobyembre 3 nga midterm elections ug nag-atubang ang administrasyon og kabalaka bahin sa epekto sa taas nga presyo sa diesel ngadto sa mga botante. (raniel mahunyag)
