Mukabat sa 25 ka pamilya o 117 ka indibwal ang apektado sa ulan sa Bagyong Crising sa probinsya sa Camiguin, sa Northern Mindanao.
Midamyos ang kusog nga mga pag-ulan sa ₱187,375 gikan sa mga nangauba nga mga puy-anan, naputol poste sa kuryente, ug mga kadaut dalan.
Miresulta ang kalamidad sa pagkamatay sa 15 anyos nga batang babaye sa Barangay Poblacion, Mambajao, human matumbahan sa kahoy ang ilang balay.
Natabangan na sa provincial government ang pamilya pinaagi sa burial assistance.
Gipang-apod na ang mga pagkaon ug suplay, gikan sa unom ka apektadong barangay sa Mambajao pinaagi sa ilang Rapid Damage and Needs Assessment.
Gibutyag ni Camiguin Governor Xavier Jesus Romualdo nga personal niyang gibisita mga naapektadong residente uban sa Provincial RAPID Team aron mapaspasan ang tabang.
Ang LGU Mambajao ug MDRRMC gilayong milusad sa road-clearing, samtang ang CAMELCO mitabang sa pagtul-id sa electrical damage.
Kining tanan nahuman niadtong Hulyo 18.
Sa susamang adlaw, nadeliver ang construction materials sa Barangays Magting, Tupsan, Pandan, Bug-ong, Agoho, ug Poblacion.
Gi-awhag ni Mayor Yñigo Jesus Romualdo ang mga residente nga motaho sa ilang barangay officials alang sa assessment ug dugang nga tabang.