Giklaro ni Impeachment Presiding Officer Chiz Escudero nga dili tinuod ug “not entirely accurate” ang sayo nga abiso sa December 16 isip adlaw nga ipagula ang “verdict” sa impeachment trial ni Bise Presidente Sara Duterte.
Gisupak niini ang pamahayag ni impeachment court spokesperson Atty. Regie Tongol nga mao’y nagpasangyaw sa nasangpit nga petsa.
Gisaway ni Senador Raffy Tulfo ang senate impeachment spokesperson tungod kay daghang beses na kini nga nasayop ug napalpak sa trabaho.
Una niini, gitin-aw ni Escudero nga ang korte maoy gamando sa isulti sa spokesperson aron masiguro ang husto nga pamahayag sa publiko, apan gikinahanglan usab niini, ipaniguro nga husto ang mugawas nga mga impormasyon sa iyang baba aron dili makadala’g tigaw, kabalaka o kagubot ang mensahe gikan sa senado.
