CAGAYAN DE ORO CITY, Philippines – Dili na makurat si Senate President Francis “Chiz” Escudero kung makadawat siya’g report nga nakagawas na sa Pilipinas si suspended Bamban Mayor Alice Guo.
Sa press conference sa Senado, miingon si Escudero nga bisan nisibat na si Guo sa nasud, mas mahimong bug-at ang pagduda nga dunay partisipasyon ang Bureau of Immigration sa kaso sa suspendidong mayor.
Una nang gipalutaw ni Senador Sherwin Gatchalian ang posibilidad nga gigamit sa ni Guo ang iyang Chinese passport aron makagawas sa Pilipinas.
Nagtuo ang Senador nga nagpabiling aktibo ang Chinese passport ni Guo, nga giingong iyang gigamit hangtod sa 2011.
Kahinumduman nga gikompirmar sa National Bureau of Investigation nga ang fingerprint ni suspended Mayor Guo nitakdo sa fingerprint sa Chinese passport holder nga si Guo Hua Ping nga nagpakita nga sila ra ang tawo.
